«Ես այստեղ եմ, աշխատում եմ». Հայկ Մարությանը՝ իր հնարավոր հրաժարականի մասին
Այսօր Երևանի ավագանու նիստի ընթացքում «Բարգավաճ Հայաստան» խմբակցության անդամ Մարկոս Հարությունյանն ասաց, որ կրկին սկսել են շրջանառվել լուրեր քաղաքապետ Հայկ Մարությանի հնարավոր հրաժարականի մասին:
«Ես ինչ սկսել եմ պաշտոնավարել, մամուլում շրջանառվում են այդ լուրերը, հոբելյանական 3-րդ տարին են շրջանառվում: Այս պահին ամենապասիվն են շրջանառվում, քանի որ ավելի «հետաքրքիր» վայր կա, մամուլն այնտեղ է կենտրոնացած, խոսքն ԱԺ-ի մասին է: Համենայն դեպս, Դուք իմ պատասխանը գիտեք, ես այստեղ եմ, աշխատում եմ»:
