ԲԴԽ դատավոր-անդամ Սերգեյ Չիչոյանի եղբորորդին դարձավ քրեական գործեր քննող դատավոր
Քիչ առաջ Բարձրագույն դատական խորհրդի (ԲԴԽ) կայքը հրապարակեց քրեական մասնագիտացման դատավորի թեկնածուների հավակնորդների հարցազրույցի փուլի արդյունքները, որին մասնակցել են գրավոր քննության արդյունքներով առավելագույն հանրագումարային միավոր հավաքած թվով 13 հավակնորդ և թվով 3 իրավաբան գիտնական:
Բարձրագույն դատական խորհրդի խորհրդակցական սենյակում բաց քվեարկության արդյունքում քրեական մասնագիտացման դատավորների թեկնածուների 16 հավակնորդներից անհրաժեշտ ձայներ են ստացել 12-ը:
168.am-ի տեղեկություններով՝ այդ դատավորների թվում է Բարձրագույն դատական խորհրդի դատավոր անդամ Սերգեյ Չիչոյանի եղբորորդին՝ Ժորա Արմենի Չիչոյանը:
