Երևանի ավագանու իմքայլական անդամներից մեկը վայր է դրել մանդատը
Այսօր Երևանի ավագանու այս տարվա երկրորդ նիստն էր, օրակարգում՝ 25 հարց: Քաղաքապետ Հայկ Մարությանն օրակարգի 10-րդ հարցը հանեց քննարկումից, այն վերաբերում էր Սպորտի և երիտասարդության բաժնի հաստիքացուցակին: Մինչև օրակարգին անդրադառնալը Մարությանը տեղեկացրեց, որ ավագանու «Իմ քայլը» խմբակցության անդամներից մեկը լքել է ավագանին:
« «Իմ քայլը» կուսակցությունների դաշինքի Երևան քաղաքի ընտրական ցուցակով ընտրված Երևան քաղաքի ավագանու անդամ Արփենիկ Մարությանը դիմում է ներկայացրել ավագանու անդամի լիազորությունները դադարեցնելու մասին, համաձայն ԿԸՀ 2021թ.-ի մարտի 10-ի համար 28 արձանագրության Երևանի ավագանու «Իմ քայլը» կուսակցությունների դաշինքի ընտրական ցուցակից ընտրված և պարտականությունները վաղաժամկետ դադարած ավագանու անդամ Արփենիկ Մարությանի մանդատը տրվել է «Իմ քայլը» կուսակցությունների դաշինքի ընտրական ցուցակի հերթական հաջորդ թեկնածու Արման Բաբաջանյանին»,- ասաց Մարությանը:
