Գլխավոր դատախազը որևէ հանդիպման չի մասնակցել. Գոռ Աբրահամյան
Ժամեր առաջ տեղեկատվություն տարածվեց, որ ԱԱԾ տնօրեն Արմեն Աբազյանը և Արցախի նախագահ Արայիկ Հարությունյանը գտնվում են գլխավոր շտաբի պետ Օնիկ Գասպարյանի աշխատասենյակում ու նրան հորդորում են հրաժարականի դիմում ներկայացնել։
Ավելի ուշ Արայիկ Հարությունյանի խոսնակ Լուսինե Ավանեսյանը «Արցախպրեսի» հետ զրույցում ասել էր, որ բացի Աբազյանից, Արայիկ Հարությունյանից և Վիտալի Բալասանյանից ևս մեկ պաշտոնատար անձ է ներկա եղել ԳՇ պետի հետ հանդիպմանը, սակայն Արայիկ Հարությունյանը Օնիկ Գասպարյանին չի հորդորել հրաժարականի դիմում ներկայացնել։
168.am-ի տեղեկություններով` գլխավոր դատախազ Արթուր Դավթյանն է եղել այն 4-րդ պաշտոնյան, ում մասին խոսել էր Արցախի նախագահի խոսնակը։
Մեզ հետ զրույցում սակայն գլխավոր դատախազի խորհրդական Գոռ Աբրահամյանն ասաց, որ չկա նման բան, և գլխավոր դատախազը որևէ հանդիպման չի մասնակցել։
