«Այսօր ես շատ ուրախ եմ. վերջապես մեր բանակը զարթնեց և որոշում ընդունեց». Յուրի Խաչատուրով
Գեներալ Յուրի Խաչատուրովը Ազատության հրապարակում կազմակերպված հանրահավաքի ժամանակ ասաց, որ նախկինում չէր գալիս հանրահավաքներին, որովհետև մի փոքր անհարմար էր զգում բանակի պասիվության համար:
«Այսօր ես շատ ուրախ եմ՝ վերջապես մեր բանակը զարթնեց և որոշում ընդունեց: Տեղեկատվություն տարածվեց, թե ինչ-որ զինված խմբեր ուզում են ԳՇ-ում որևէ մեկին ձերբակալել, ես չգիտեմ՝ ինչ հիմարներ կարող են լինել, որ գնան այնտեղ, որպեսզի ձերբակալեն զինվորականներին: Նրանք ուղղակի կգնան այնտեղ, նրանց կկապեն և կբերեն այս հրապարակ, ուրիշ ոչինչ չի լինի»,-ասաց գեներալ Խաչատուրովը:
