«Թրամփը վարկաբեկում է մեր երկիրը». Ջոն Քերի
ԱՄՆ-ի նախկին պետքարտուղար Ջոն Քերին Դեմոկրատական կուսակցության կարիքների համար միջոցների տրամադրման խնդրանքով նամակներում պնդում է, որ երկիրը կարող է չդիմանալ 2020 թվականի նախագահական ընտրություններում Դոնալդ Թրամփի հաղթանակին: Հունվարի 30-ին այս մասին հայտնել է Fox News հեռուստաալիքի լրագրող Շոն Հենիթին։
Նա իր կայքում մեջբերումներ է հրապարակել այդ ուղերձներից մեկից:
«Թրամփը, լիովին քամահրելով դիվանագիտությունը, վարկաբեկում է մեր երկիրը համաշխարհային ասպարեզում եւ խարխլում մեր ժողովրդավարության հիմքերը»,- գրում է Քերին:
«Մեր ժողովրդավարական համակարգը կարող է չդիմանալ Դոնալդ Թրամփի (կառավարման) եւս մեկ քառամյա ժամկետի, եւ միակ միջոցը, որով մենք կարող եք դադարեցնել այս ներքին քաոսը, ընտրությունները շահելն է ամբողջ երկրում եւ Սպիտակ տան համար դեմոկրատի ընտրելը 2020 թվականին»,- ընդգծել է նախկին պետքարտուղարը, հաղորդել է ՏԱՍՍ-ը:
