Տիգրան Հակոբյանն ընտրվել է Հեռուստատեսության և ռադիոյի հանձնաժողովի նախագահ
Հեռուստատեսության և ռադիոյի հանձնաժողովը նոր նախագահ ունի: Հունվարի 29-ին կայացել է Հեռուստատեսության և ռադիոյի հանձնաժողովի (ՀՌՀ) հերթական նիստը:
Այլ հարցերի շարքում նիստի քննարկմանն է դրվել ՀՌՀ նախագահ Գագիկ Բունիաթյանի դիմումը նախագահի պաշտոնից հրաժարական տալու մասին: Նիստը բավարարել է Գագիկ Բունիաթյանի դիմումը, որից հետո կայացել է ՀՌՀ նախագահի նոր ընտրություն:
Փակ գաղտնի ընտրության արդյունքում միաձայն (8 կողմ, 0 դեմ) ՀՌՀ նախագահ է ընտրվել Հանձնաժողովի անդամ Տիգրան Հակոբյանը:
ՀՌՀ միջազգային կապերի, տեղեկատվության և զարգացման ծրագրերի բաժնից տրամադրել են նաև Հանձնաժողովի նորընտիր նախագահի կենսագրությունը, որը ներկայացնում ենք ստորև.
Աշխատանքային գործունեություն
1988-1990 թթ. – Коммунист օրաթերթ, թղթակից, բաժնի վարիչ 1990-1993թթ. – Республика Армения օրաթերթ, բաժնի վարիչ, գլխավոր խմբագիր 1993-1995թթ. – ՀՀ Կառավարության անդամ, ՀՀ հեռուստառադիոհաղորդումների պետական վարչություն, վարչության պետ 1995-1998թթ . «Արմենպրես» պետական լրատվական գործակալություն, գլխավոր տնօրեն 1998 – 1999թթ. – «Հայք» շաբաթաթերթ, գլխավոր խմբագիր 1999 – 2000թթ. – ՀՀ Կառավարության աշխատակազմի տեղեկատվության եւ հանրության հետ կապերի վարչություն, վարչության պետ: Կառավարությանն առընթեր տեղեկատվության եւ գրահրատարակչության վարչություն, վարչության պետ 2001-2003թթ. «Էկոնտե» ՍՊԸ, գործադիր տնօրեն 2005-2006 թթ. «Իմեդի» հեռուստաընկերություն (Վրաստան), գլխավոր տնօրենի խորհրդական 2006-2009թթ. – «Զարգացման Հայկական Բանկ» ԲԲԸ, Տնօրենների խորհրդի անդամ 2006-2008թթ. – Երեւանի պետական համալսարանի միջազգային հարաբերությունների ֆակուլտետ, դասախոս 2011-2012թթ. «Ծաղկունքի բաց դպրոց» պետական հիմնադրամի տնօրեն 2012-2014թթ. «Դար» տարածքային զարգացման եւ մրցունակության հիմնադրամ. «Ծաղկունքի բաց դպրոց» ծրագրի ղեկավար 2014-2016 թթ. «ՄԿՌ մեդիա Արմենիա» ընկերությունների խումբ, խմբի գլխավոր տնօրեն 2016 թ-ի սեպտեմբերից Հեռուստատեսության եւ ռադիոյի ազգային հանձնաժողով, հանձնաժողովի անդամ (ընտրվել է Ազգային ժողովի կողմից)
Ուսում
1980-1983թթ. Երեւանի պետական համալսարան, ռուսաց լեզվի եւ գրականության ֆակուլտետ 1983-1988թթ. Մ.Գորկու անվան Գրականության ինստիտուտ (Մոսկվա), հրապարակախոսության եւ գեղարվեստական թարգմանության բաժին Մասնակցություն դասընթաներին (տեղեկատվական հոսքերի կառավարում, հանրության հետ կապեր) 1999թ. – ԱՄՆ, 2001թ. – Վրաստան, 2002թ. – Ռումինիա
Հասարակական գործունեություն
2000 թ.-ից «Հասարակությունն ընդդեմ ահաբեկչություն» հասարակական կազմակերպություն, վարչության նախագահ:
