ՀՀ պաշտպանության նախարարը և ԶՈՒ ԳՇ պետը պարգևատրել են 2018թ. ուստարում լավագույն արդյունքներ գրանցած զինծառայողներին
ՀՀ պաշտպանության նախարարության վարչական համալիրում տեղի է ունեցել պարգևատրման հանդիսավոր արարողություն:
Ինչպես տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, ՀՀ պաշտպանության նախարար Դավիթ Տոնոյանը և զինված ուժերի գլխավոր շտաբի պետ, գեներալ-լեյտենանտ Արտակ Դավթյանը գերատեսչական մեդալներով, խորհրդանշական նվերներով և անվանական դաշույններով պարգևատրել են 2018թ. ուսումնական տարվա ընթացքում լավագույն արդյունքներ գրանցած ստորաբաժանումների հրամանատարներին և զինծառայողներին: 
