Փրկարարները դուրս են բերել քաղաքացուն վերելակից
Հունվարի 27-ին՝ ժամը 01:41-ին, «911» ծառայությանն ահազանգ է ստացվել, որ Կոտայքի մարզի Աբովյան քաղաքի 3-րդ միկրոշրջան թաղամասի թիվ 19 շենքի 1-ին մուտքի վերելակում կա 2 արգելափակված քաղաքացի. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Փրկարարները վերելակից անվնաս դուրս են բերել Ն. (ծնված 1985 թ.) և Ա. (ծնված 1987 թ) Կ.-երին:
