Արյունաբանական կենտրոնի նոր տնօրենի անունը հայտնի կդառնա երեք օրվա ընթացքում
ՀՀ առողջապահության նախարարության «Պրոֆ. Ռ.Հ.Յոլյանի անվան արյունաբանական կենտրոն» ՓԲԸ-ն նոր տնօրեն ունի: «Արմենպրես»-ի հետ զրույցում ՀՀ առողջապահության նախարարի մամուլի խոսնակ Ալինա Նիկողոսյանն ասաց, որ տնօրենի թափուր հաստիքի համար հայտարարված փակ մրցույթն արդեն ամփոփվել է: «Երեք օրվա ընթացքում նախարարը կնշանակի նոր տնօրենին»,-ասաց նա:
Արյունաբանական կենտրոնի տնօրենի ժամանակավոր պաշտոնակատար էր նշանակվել ՀՀ առողջապահության նախարարության գլխավոր արյունաբան Սամվել Դանիելյանը: Նա այդ պաշտոնում փոխարինում էր Սմբատ Դաղբաշյանին:
