«Արսենալը» բանակցություններ է սկսել Կարասկոյի հետ
«Զինագործները» ցանկանում են ստորագրել բելգիացի կիսապաշտպանին:
Ինչպես հաղորդում է Sky Italia-ն, չինական «Դալիան Իֆանի» կիսապաշտպան Յաննիկ Ֆերեյրա Կարասկոն հայտնվել է «Արսենալի» հետաքրքրությունների շրջանակում:
«Զինագործներն» ուզում են ուժեղացնել կազմը հունվարին և պլանավորում են ստորագրել բելգիացի կիսապաշտպանին: Ըստ աղբյուրի տեղեկության՝ լոնդոնյան ակումբի ներկայացուցիչներն արդեն առաջարկությունով դիմել են 25-ամյա ֆուտբոլիստին:
Ավելի վաղ կիսապաշտպանի նկատմամբ հետաքրքրություն էին ցուցաբերել «Մանչեսթեր Յունայթեդը» և «Բավարիան»:
Չինական Սուպերլիգայի նախորդ մրցաշրջանում Կարասկոն անցկացրել է 26 հանդիպում՝ աչքի ընկնելով խփած 7 գոլերով և ձևակերպած 9 ասիստով:
Պատրաստեց Անի Գաբուզյանը
