Գերմանիայի երեք օդանավակայանում հարյուրավոր չվերթներ են չեղարկվել գործադուլի կապակցությամբ
Գերմանիայի երեք օդանավակայաններում հարյուրավոր չվերթներ են չեղարկվել անվտանգության ծառայության աշխատողների գործադուլի կապակցությամբ: Այդ մասին ասված է Շտուտգարտի, Քյոլն/Բոննի եւ Դյուսելդորֆի օդանավակայանների մամուլի տեղեկագրում:
Այսպես, Դյուսելդորֆում չեղարկվել են 570 չվերթներից 350-ը, Քյոլն/Բոննում՝ ավելի քան 130-ը: Շտուտգարտի օդանավակայանում կչեղարկվի շուրջ 500 չվերթ: Չվացուցակի այս փոփոխությունները կվերաբերեն մոտավորապես 110 հազար ուղեւորների:
Անվտանգության ծառայության աշխատակիցների գործադուլը կտեւի մինչեւ հունվարի 11-ի ժամը 00:00-ն (Երեւանի ժամանակով 03:00-ը): Ակցիայի մասնակիցների պահանջը աշխատավարձի բարձրացումն է 20 եվրոյով: Ավելի վաղ բողոքի համանման ակցիաներ են տեղի ունեցել Բեռլինի օդանավակայաններում, հաղորդել է ՌԻԱ Նովոստին:
