Որքան են պահպանվում հակաբիոտիկների ընդունման հետևանքները. New York Times
Հակաբիոտիկների ընդունման հետեւանքները միկրոբիոմի՝ աղիքային ֆլորայի վրա, կարող են պահպանվել կես տարվա ընացքում: Ինչպես հայտնել է The New York Times (NYT) թերթը, այս եզրակացությանն են հանգել Ստանֆորդի համալսարանի հետազոտողները։
Նրանք վերլուծել են 900 հազար տղամարդկանցից եւ կանանցից վերցված ծագումնաբանական նմուշները, որոնք ընդունել են ցիպրոֆլոքսացին հակաբիոտիկը. բժշկական պրակտիկայում լայնորեն կիրառվող հակամանրէային պատրաստուկ: Արդյունքում պարզվել է, որ միկրոբիոմը՝ 10-ից մինչեւ 100 տրիլիոն մանրէներ եւ այլ միկրոօրգանիզմներ, վերականգնվում էհիմնականում հակաբիոտիկի ընդունումից չորս շաբաթ անց, սակայն որոշ դեպքերում հետեւանքները եղել են երկարատեւ. առանձին տեսակների մանրէներ աղիներում չեն զարգացել կես տարվա ընթացքում:
Ինչպես հիշեցրել է New York Times-ը, 2016 թվականին կատարված հետազոտությունների համաձայն՝ երեխաների մոտ հակաբիոտիկներ ընդունելիս կարող է փոխվել աղիքային ֆլորայի բաղադրությունը, եւ առանձին դեպքերում կարող է թուլանալ իմունային համակարգը, ինչպես նաեւ ուժեղանալ ասթմայի եւ ճարպակալման զարգացման նկատմամբ նախահակվածությունը, հաղորդել է ՏԱՍՍ-ը:
