«Այստեղ պետք է հիշել 1999 թ-ի փաստաթուղթը». Պեսկով
Բելառուսը Ռուսաստանի կազմում ընդգրկելու որևէ պլան գոյություն չունի: Իսկ երկու երկրների ինտեգրման փուլերը պարզ գրված են Միութենական պայմանագրում: Ինչպես տեղեկացնում է «Ինտերֆաքս»-ը՝ այս մասին հայտնել է Ռուսաստանի նախագահի մամուլի խոսնակ Դմիտրի Պեսկովը։
«Այստեղ պետք է հիշել 1999 թ-ի փաստաթուղթը, որի հիման վրա մենք՝ Ռուսաստանը և Բելառուսը դարձանք Միութենական պետություն»,-ասել է Պեսկովը:
Բելառուսի նախագահ Ալեքսանդր Լուկաշենկոն դեկտեմբերի 14-ին կարծիք էր հայտնել, որ «խորը ինտեգրացիայի» անվան տակ Մոսկվան ցանկանում է Բելառուսը ներառել Ռուսաստանի կազմի մեջ:
