Երևանում ավտոբուսը դուրս է եկել հանդիպակաց գոտի. սենսացիոն տեսանյութի հերոսը պատժվել է
Սոցիալական կայքերում տարածված տեսանյութը բուռն քննարկման թեմա է դարձել։
Սոցիալական կայքերի հայկական տիրույթում մի տեսանյութ է տարածվել, որում երևում է, թե ինչպես է ուղևորատար ավտոբուսը Երևանի Սարալանջի ոլորաններում դուրս գալիս հանդիպակաց գոտի ու շարունակում շարժվել վերևից իջնող ավտոմեքենաներին ընդառաջ։
Ընդ որում, տեսանյութում երևում է, որ ավտոբուսը լի է ուղևորներով։
Կամիկաձե վարորդի գործողությունները վթարային իրավիճակ են առաջացնում։ Վթարից հաջողվում է խուսափել միայն հանդիպակաց երթևեկող ավտոմեքենաների վարորդների աչալրջության ու զգուշավորության շնորհիվ։
Տեսանյութին այսօր արձագանքել է նաև Երևանի քաղաքապետարանը։ Ճանապարհային երթևեկության կանոնների կոպիտ խախտում թույլ տված ավտոբուսի վարորդ Խաժակ Պողոսյանը «Երևանի ավտոբուս» ՓԲԸ-ի տնօրեն Էլբակ Թարփոշյանի հրամանով հեռացվել է աշխատանքից:
Սարալանջի միակողմանիով հանդիպակաց ավտոբուս՝ մեջը լիքը մարդ
Սարալանջի միակողմանիով հանդիպակաց ավտոբուս՝ մեջը լիքը մարդ
Gepostet von Армения сегодня / Հայաստանն այսօր am Dienstag, 25. Dezember 2018
