ԵԱՏՄ տարածքում ուժի մեջ են մտել ԳՄՕ պարունակող մթերքների մակնշման լրացուցիչ պահանջները
Եվրասիական տնտեսական միության տարածքում դեկտեմբերի 26-ից ուժի մեջ են մտնում գենետիկորեն մոդիֆիկացված օրգանիզմներ պարունակող մթերքների մակնշման լրացուցիչ պահանջները: Այս մասին տեղեկացնում է Եվրասիական տնտեսական հանձնաժողովի մամուլի ծառայությունը:
Նշվում է, որ մակնշման նոր նորմերը գնորդներին հնարավորություն կտան սննդի ավելի գիտակցված և ճիշտ ընտրություն կատարել:
ԵԱՏՄ միասնական շուկայում շրջանառվող և գենետիկորեն մոդիֆիկացված օրգանիզմներ պարունակող ապրանքների վրա ԵՏՄ շուկայում արտադրանքի շրջանառության միասնական նշանի կողքին խոշոր տառատեսակով կտպագրվի ԳՄՕ գրառումը: ԳՄՕ գրառումը պետք է համապատասխանի ԵՏՄ շուկայում արտադրանքի շրջանառության միասնական նշանի ձևին և չափսերին:
Փոփոխությունների առաջարկով հանդես է եկել «Ռոսպոտրեբնադզոր»-ը՝ հաշվի առնելով սպառողների ցանկությունը: Փաստաթուղթն անցել է բոլոր անհրաժեծտ գործընթացները՝ ներառյալ հանրային քննարկումներն ու ԵԱՏՄ անդամ երկրներում ներպետական համաձայնությունները:
