Իռլանդիան համապարփակ պլան է պատրաստել առանց գործարքի ԵՄ-ից Բրիտանիայի դուրս գալու դեպքում
Իռլանդիայի կառավարությունը մշակել է գործողությունների համապարփակ պլան ի դեպս «կոշտ» Brexit-ի՝ առանց կողմերի միջեւ համաձայնության Եվրամիությունից Մեծ Բրիտանիայի դուրս գալու: Այս մասին Ար թի ի հեռուստաալիքին հայտարարել է Իռլանդիայի ԱԳ նախարարության ղեկավար եւ փոխվարչապետ Սայմոն Քոուվենին:
«Առանց գործարքի Brexit-ի սցենարի իրագործման դեպքում կառավարության պլանը համապարփակ է, այդ փաստաթղթն ունի ավելի քան հարյուր էջ»,- հայտնել է Քոուվենին: Իռլանդիայի դիվանագիտության ղեկավարը հավելել է, որ «այն միջոցառումների հետ կապված աշխատանքը, որոնք ի զորու կլինեն նվազեցնել (Իռլանդիայի համար) այդ տարբերակից (ԵՄ-ից Մեծ Բրիտանիայի դուրս գալու) հետեւանքները, կատարվել է ամբողջ տարվա ընթացքում», հաղորդել է ՏԱՍՍ-ը:
