Մխիթարյանի դուբլն առաջին էր ԱՊԼ-ում
Ինչպես արդեն տեղեկացրել ենք, Անգլիայի առաջնության հերթական տուրում Լոնդոնի «Արսենալը» պարտվեց, և Հայաստանի ազգային հավաքականի կիսապաշտպան Հենրիխ Մխիթարյանի դուբլն անգամ չօգնեց լոնդոնցիներին հաղթել «Սաութհեմփթոնին»:
Սա Հենրիխ Մխիթարյանի առաջին դուբլն էր Անգլիայի Պրեմիեր լիգայում:
Վերջին անգամ Մխիթարյանը դուբլի հեղինակ էր դարձել 2015 թվականին, երբ խաղում էր Բունդեսլիգայում:
Մխիթարյանը Պրեմիեր լիգայում «Արսենալի» համար 5 գոլ է խփել 25 խաղերում: «Մանչեսթեր Յունայթեդի» կազմում Մխիթարյանը Պրեմիեր լիգայի առաջին 5 գնդակները խփել էր 39 խաղում:
Նշենք նաև, որ Մխիթարյանն այս խաղում լավագույնն էր: Ըստ հայտնի Whoscored.com-ի՝ Մխիթարյանը ստացել է 8.4 գնահատականը՝ ամենաբարձրն «Արսենալի» կազմում: Մխիթարյանի փոխանցումների ճշգրտությունը կազմել է 88 տոկոս: Հայ կիսապաշտպանը «Սաութհեմփթոնի» դարպասին հարվածել է 4 անգամ:
Սիրարփի Աղաբաբյան
