«Պոգբայի խաղը հիասթափություն է. նա այնպիսի տեսք ունի, ասես 16-17 տարեկան լինի». Օուեն
«Մանչեսթեր Յունայթեդի» նախկին հարձակվող Մայքլ Օուենը խոսել է կիսապաշտպան Փոլ Պոգբայի խաղի մասին:
«Մեղքի մի մասն իր վրա պետք է վերցնի մարզիչը: Խոսքը գնում է խաղի համակարգի, սխեմայի մասին:
Պոգբայի խաղին նայելը հիասթափություն է: Նա այնպիսի տեսք ունի, ասես դեռ 16-17 տարեկան է:
Նա կարող է պարզապես վերցնել և դիտել Փոլ Սքոուլզի մասնակցությամբ տեսանյութեր: Պոգբան այնքան շատ սխալ որոշումներ է կայացնում:
Եթե Պոգբան խաղար Գվարդիոլայի, Կլոպի, կամ մեկ այլ մարզչի մոտ, նա կլիներ աշխարհի մի քանի լավագույն ֆուտբոլիստներից մեկը: Իսկ հիմա դա հնարավոր չէ ասել»,- Օուենին է մեջբերում BT Sport-ը:
Պատրաստեց Անի Գաբուզյանը
