ԱՄՆ-ի օդուժի Hawker Hunter կործանիչ է օվկիանոսն ընկել Հավայիի նահանգում. Associated Press
Hawker Hunter կործանիչը, որը մասնակցում էր ԱՄՆ-ի Ազգային գվարդիայի ռազմաօդային ուժերի ստորաբաժանման վարժանքներին, դեկտեմբերի 12-ին օվկիանոսն է ընկել Հավայիի նահանգում: Այդ մասին հայտնել է Associated Press գործակալությունը: Նրա տվյալներով՝ կործանիչը վարում էր քաղաքացիական անձ, որն Ազգային գվարդիայի հետ կնքված պարտավորագրով մասնակցում էր Sentry Aloha վարժանքներին: Ընդամենը դրանցում գործի են դրված շուրջ 800 մարդ եւ 30 ինքնաթիռ:
Hawker Hunter-ը օվկիանոսն է ընկել Օահու կղզու շրջանում, որի վրա տեղավորված է Հավայիի մայրաքաղաք Հոնոլուլուն: Աղետյալ ինքնաթիռի օդաչուին հաջողվել է փրկել, նա հոսպիտալացված է, հաղորդել է ՏԱՍՍ-ը:
