Թրամփը մտահոգվելու պատճառ չի տեսնում իր պաշտոնազրկման հնարավորության կապակցությամբ
ԱՄՆ-ի նախագահ Դոնալդ Թրամփն անհանգստանալու հիմքեր չի տեսնում իր դեմ իմպիչմենտի ընթացակարգի նախաձեռնման հնարավորության կապակցությամբ, քանի որ ինքը ներքաշված չէ որեւէ լուրջ օրինախախտման մեջ:
Պետության ղեկավարը դեկտեմբերի 11-ին այդ մասին հայտնել է Reuters գործակալությանը տված հարցազրույցում։ «Դժվար է իմպիչմենտ հայտարարել մեկին, ով ոչ մի հակաիրավական բան չի արել եւ ով մեծագույն տնտեսությունն է ստեղծել մեր երկրի պատմության մեջ»,- ասել է նա: «Ես մտահոգված չեմ, ոչ: Կարծում եմ, որ մարդիկ խռովություն կբարձրացնեն, եթե դա տեղի ունենա»,- հավաստիացրել է նա, հաղորդել է ՏԱՍՍ-ը:
