Պատահար Երևանում
Դեկտեմբերի 9-ին, ժամը 16:09-ին «911» ծառայությանն ահազանգ է ստացվել, որ Աճեմյան փողոցի 2-րդ փակուղու թիվ 79 տան մոտակայքում տեղի է ունեցել ՃՏՊ՝ ավտոմեքենան բախվել է գազատար խողովակին. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Ford» մակնիշի ավտոմեքենան (վարորդը՝ Հ. Մ.) բախվել է գազատար խողովակի հենասյանը, առաջացել է գազի արտահոսք՝ առանց հրդեհի բռնկման:
Փրկարարներն իրականացրել են հերթապահություն մինչ «1-04» ծառայության աշխատակիցների ժամանելը:
