«Բոլորի համար ուզում եմ ազատ, արդար և համերաշխ Հայաստան». Սուրեն Սահակյան

6/17 ընտրատեղամասում իր ընտրությունը կատարեց «Քաղաքացու որոշում» սոցիալ-դեմոկրատական կուսակցության ցուցակը գլխավորող Սուրեն Սահակյանը:

«Քվեարկեցի հանուն հեղափոխական Հայաստանի: Իմ, երեխայիս ու բոլորի համար ուզում եմ ազատ, արդար և համերաշխ Հայաստան»,- լրագրողների հետ զրույցում ասաց Սուրեն Սահակյանը:

Հարցին՝ եթե չհայտնվեք խորհրդարանում, ի՞նչ եք անելու, Սուրեն Սահակյանը պատասխանեց. «Մենք շատ գործեր ունենք անելու: «Քաղաքացու որոշումը» 26 օր է, ինչ կա, սա շատ քիչ է կուսակցության համար»:

Նա նշեց, որ ընտրությունների արդար անցկացվելու դեպքում ցանկացած արդյունք բավարար կլինի իր համար:

Ինչ վերաբերում է ընտրախախտումներին՝  Սուրեն Սահակյանը նշեց, որ իրենց ներկայացուցիչներն ընտրատեղամասներում դեռևս խախտումներ չեն արձանագրել:

Անի Կարապետյան