Թիվ 1/20 ընտրական տեղամասում կուտակումներ կան. զինծառայողները եկել են ընտրության
Ծարավ Աղբյուրի փողոցում գտնվող թիվ 1/20 ընտրական տեղամասում կուտակումներ են առաջացել։ Այս մասին «Արմենպրես»-ի հետ զրույցում ասաց հանձնաժողովի քարտուղար Ժաննա Վարդանյանը։
«Ժամը 12։30-ի դրությամբ 1957 քաղաքացիներից իրենց ընտրությունը կատարել են 360-ը։ Հարակից զորամասից զինվորները եկել էին քվեարկության, այդ պատճառով առաջացել է փոքրիկ կուտակում, որը քվեարկության բնականոն ընթացքի վրա չի ազդել»,- ասաց հանձնաժողովի քարտուղարը։
Նրա խոսքով՝ մինչ այս պահը խախտումներ չեն արձանագրվել։
