Ջոնսոնը հրապարակել է Brexit-ի իր ծրագիրը՝ ԵՄ-ի հետ հարաբերությունների կանադական մոդելի հիման վրա
Մեծ Բրիտանիայի արտաքին գործերի նախկին նախարար Բորիս Ջոնսոնը, որին համարում են երկրի վարչապետի պաշտոնի առավել հավանական ապագա հավակնորնդրից մեկը, հրապարակել է Brexit-ի իրականացման իր ծրագիրը։
Ծրագիրը, որը Թերեզա Մեյի կառավարության առաջարկությունների այլընտրանքն է, որոնք հուլիսի 6-ին հաստատվել են նախարարների կաբինետի՝ Չեքերս վարչապետական մերձքաղաքային նստավայրում կայացած նիստում, սեպտեմբերի 28-ին հրապարակվել է The Daily Telegraph թերթի տպագիր տարբերակում:
Առաջարկվող ծրագրի հիմքում ընկած է Brexit-ի պայմանների շուրջ ԵՄ-ի հետ համաձայնագրի կնքման հնարավորությունը այսպես կոչված կանադական տարբերակով, երբ որպես մոդել էընդունվում ԵՄ-ի եւ Կանադայի միջեւ ազատ առեւտրի համապարփակ գոտու մասին համաձայնագիրը (CETA):
Նկատի է առնվում, որ այդ դեպքում Մեծ Բրիտանիան պետք է ազատություն ստանա ներքին ու առեւտրական քաղաքականության հարցերին վերաբերող որոշումներ ընդունելիս, ինչպես նաեւ իրավասու լինի դադարեցնել աշխատուժի ազատ տեղաշարժը՝ ստեղծելով արդյունավետ ու հավասարակշռված միգրացիոն մեխանիզմ, հաղորդել է ՏԱՍՍ-ը:
