Ռայոլան Պոգբայի ապագան կքննարկի «Մանչեսթեր Յունայթեդի» ղեկավարության հետ նոյեմբերին
Կիսապաշտպան Պոլ Պոգբան կարող է հեռանալ «Մանչեսթեր Յունայթեդից»:
Մինո Ռայոլան՝ ֆրանսիացու գործակալը, նոյեմբերին կհանդիպի անգլիական ակումբի ղեկավարության հետ, որպեսզի քննարկի խաղացողի ապագան: Այս մասին գրում է The Guardian-ը:
Ռայոլան մտադիր է իմանալ, թե երբ «Մանչեսթեր Յունայթեդը» պատրաստ կլինի վաճառել Պոգբային՝ ձմռա՞նը, թե՞ մրցաշրջանի ավարտից հետո: Գործակալը որոշել է սպասել մինչև նոյեմբեր, քանի որ ենթադրում է, որ Ժոզե Մոուրինիոն չի պահպանի մանկունյացիների գլխավոր մարզչի պաշտոնը:
Ավելի վաղ հաղորդվել էր, որ Պոգբան զրկվել է թիմի փոխավագի կարգավիճակից Մոուրինիոյի հետ կոնֆլիկտի պատճառով:
Պատրաստեց Անի Գաբուզյանը
