Դուշանբեում Նիկոլ Փաշինյանի մասնակցությամբ մեկնարկել է ԱՊՀ գագաթնաժողովը
Տաջիկստանի մայրաքաղաք Դուշանբեում մեկնարկել է ԱՊՀ մասնակից պետությունների ղեկավարների խորհրդի հերթական նիստը: Նիստին բացի ՀՀ վարչապետ Նիկոլ Փաշինյանից մասնակցում են նաև Ռուսաստանի, Բելառուսի, Տաջիկստանի, Ուզբեկստանի, Ղրղզստանի, Ղազախստանի, Մոլդովայի, Ադրբեջանի նախագահները, ինչպես նաև Թուրքմենստանի փոխվարչապետը:
Թուրքմենստանի նախագահ Գուրբանգուլի Բերդիմուհամեդովը չի ժամանել գագաթնաժողովին` Տաջիկստանի հետ ունեցած տարաձայնությունների պատճառով: Վերջնիս վերջին օրերին արգելափակել է թուրքմենական բեռնատար ավտոմեքենաների մուտքը երկիր, որոնք ապրանքներ են տեղափոխում Իրանից: Ի դեպ, այսօրվա նիստում որոշում է կայացվելու ԱՊՀ նախագահությունը 2019 թվականին փոխանցել հենց Թուրքմենստանին:
Երկրների առաջնորդները ժամանեցին Դուշանբեի կառավարության ընդունելությունների տանը ընթանում է պետությունների ղեկավարների նեղ կազմով նիստը, որին կհաջորդի ընդլայնված կազմով նիստը:
