Սկանդալ. 10 մանկավարժ մանկապարտեզից հեռացվել է դրամահավաքին չմասնակցելու համար. կա ձայնագրություն. «Ժամանակ»
«Ժամանակ» թերթը գրում է. «Երեւանի թիվ 92 մանկապարտեզը, որտեղ մի քանի տարի է՝ գործում է ներառական խնամքի կարիք ունեցող երեխաների համար նախատեսված մասնաշենքը հատուկ մանկավարժներով, հայտնվել է հերթական սկանդալի կիզակետում։
Ներառական հատվածի մոտ 10 հատուկ մանկավարժ աշխատանքից հեռացվել է տնօրեն Կարինե Հարությունյանի ու իրենից ավելի բարձրերի համար կազմակերպված դրամահավաքներին չմասնակցելու, մանկապարտեզի ներսում տեղի ունեցող արատավոր երեւույթները բացահայտելու համար։
Աշխատակիցները մեզ տրամադրել են մի ձայնագրություն, համաձայն որի՝ մանկապարտեզի տնօրենը իրենց հետ խոսակցության ժամանակ խոստովանել է, որ իր համար դրամահավաքներ են եղել, ու որ այդ մանկավարժները աշխատանքից հեռացվել են գումարներ չտալու ու ոստիկանությունում բողոքներ գրելու համար»։
Ամբողջությամբ կարող եք կարդալ թերթի այսօրվա համարում:
