Շվեյցարիայի կառավարության 2019-2020 թթ. «Գերազանցության կրթաթոշակներ» ծրագիր հայ դիմորդների համար
ԱՐՄԱԿԱԴ ընկերությունը տեղեկացնում է, որ մեկնակրել է Շվեյցարական կառավարության կողմից ամեն տարի տրամադրվող ամբողջական կրթաթոշակների մրցույթը, որի հաղթող հայ ուսանողները, հետազոտողներն ու երիտասարդ գիտնականները կարող են սովորել և հետազոտություններ իրականացնել Շվեյցարիայի համալսարաններում և գիտակրթական հաստատություններում։ Մրցույթին կարող են դիմել բոլոր ակադեմիական ոլորտների ներկայացուցիչները բացառությամբ «Արվեստի»։
Հայ դիմորդների համար սահմանված Շվեյցարիայի կառավարության 2019–2020 թթ. «Գերազանցության կրթաթոշակներ» ծրագիրի շրջանակներում նախատեսված են՝
- հետազոտական կրթաթոշակներ,
- ասպիրանտական կրթաթոշակներ,
- հետդոկտորական կրթաթոշակներ։
Ծրագրերին դիմել ցանկացողները պետք է լրացնեն նախնական դիմումի հայտաձև, որից հետո միայն նրանց կուղարկվի կոնկրետ ծրագրին դիմելու ամբողջական փաթեթը։
Նախնական դիմումի հայտաձև լրացրած դիմորդները հոկտեմբեր ամսվա կեսերին կհրավիրվեն նաև տեղեկատվական հանդիպման, հետևաբար նախընտրելի է նախնական հայտադիմումը լրացնել մինչև հոկտեմբերի 15-ը։
Ծրագրերի դիմորդները՝ մինչև ամբողջական դիմումների ընդունման վերջնաժամկետը, այլ պահանջվող փաստաթղթերին զուգահեռ պետք է ունենան նաև հյուրընկալող համալսարանի դասախոսի կողմից նամակ, որով վերջինս հաստատում է, որ պատրաստ է ղեկավարել և նպաստել դիմորդի ուսումնառությանը և/կամ հետազոտությանը Շվեյցարիայում։ Ուստի անհրաժեշտ է հնարավորինս շուտ ընտրել համալսարանը և/կամ ուսումնական հաստատությունը և կապ հաստատել համապատասխան պրոֆեսորի հետ։
Դիմումների ամբողջական փաթեթի ներկայացման վերջնաժամկետը նոյեմբերի 15-ն է։
Մանրամասների համար՝ https://armacad.info/2018-09-07–shveycariayi-karavarotyan-2019-2020-tt-gerazancotyan-krtatoshakner-tsragir-hay-dimordneri-hamar
