Մահացել է «Աստղային պատերազմների» պրոդյուսեր Հերի Քուրթցը. The Hollywood Reporter
Կյանքի 79-րդ տարում մահացել է «Աստղային պատերազմներ: Էպիզոդ 4. նոր հույս» եւ «Աստղային պատերազմներ: Էպիզոդ 5. Կայսրությունը պատասխան հարվածն է հասցնում» ֆիլմերի կինոռեժիսոր եւ պրոդյուսեր Հերի Քուրթցը:
Այդ մասին սեպտեմբերի 24-ին հայտնել է The Hollywood Reporter հանդեսը՝ վկայակոչելով կինեմատոգրաֆիստի ընտանիքին։ Հանդեսի տվյալներով՝ Քուրթցը սեպտեմբերի 23-ին Լոնդոնում մահացել է քաղցկեղից: Ռեժիսորի մահվան կապակցությամբ ցավակցություն են հայտնել «Աստղային պատերազմների» դերասանները, ինչպես նաեւ Lucasfilm կինոընկերությունը, որի հետ համատեղ նա աշխատել է կինոսագայի ստեղծման վրա:
Կինոռեժիսոր եւ պրոդյուսեր Հերի Քուրթցը ծնվել է 1940 թվականին Կալիֆոռնիայի նահանգի Լոս Անջելես քաղաքում: Նա առավել մեծ ժողովրդականություն է ձեռք բերել «Ամերիկյան գրաֆֆիտիներ» (1973 թ.), «Աստղային պատերազմներ: Էպիզոդ 4. նոր հույս» (1977թ.)», «Աստղային պատերազմներ: Էպիզոդ 5. Կայսրությունը պատասխան հարվածն է հասցնում» (1980 թ.) եւ «Մուգ բյուրեղ» (1982 թ.) ֆիլմերի վրա կատարած իր աշխատանքի շնորհիվ, հաղորդել է ՏԱՍՍ-ը:
