Նեյմարը ֆուտբոլի աշխարհի Քիմ Քարդաշյանն է
«Նյուքասլի» նախկին կիսապաշտպան Ջոուի Բարթոնը ՊՍԺ-ի հարձակվող Նեյմարին չի համարում մեծ ֆուտբոլիստ:
«Նեյմարը Քիմ Քարդաշյանն է ֆուտբոլի աշխարհում: Նա լավագույն ֆուտբոլիստը չէ, ինչում մենք համոզվեցինք Ռուսաստանում: Նա միևնույն մակարդակի վրա չէ Կրիշտիանու Ռոնալդուի և Լիոնել Մեսսիի հետ, Նեյմարից առաջ շատ ֆուտբոլիստներ կան:
Նեյմարը ֆուտբոլային ֆենոմեն չէ, այլ մարքետինգային՝ ինչպես Քարդաշյանը: Երբ իմ տղան ֆուտբոլ է խաղում, նա ուզում է նմանվել լավագույն ֆուտբոլիստներին՝ Ռոնալդուին, Մեսսիին, Մո Սալահին: Բայց հաստատ՝ ոչ Նեյմարին կամ Հարի Քեյնին:
Մենք չենք արտասանում Նեյմարի անունը մեր տանը»,- Բարթոնի խոսքերն է մեջբերում Goal-ը:
Պատրաստեց Անի Գաբուզյանը
