Շիրակի մարզում տուն է այրվում. մեկնել է երկու մարտական հաշվարկ
Սեպտեմբերի 24-ին՝ ժամը 06:31-ին, «911» ծառայությանն ահազանգ է ստացվել, որ Շիրակի մարզի Եղնաջուր գյուղում այրվում է տուն. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ ամբողջությամբ այրվում է Ն. Ս.-ին պատկանող տունը (մոտ 100 քմ) և կից խորդանոցը (մոտ 12 քմ):
Կտրվի լրացուցիչ տեղեկություն:
