Երևանում մեքենան բախվել է գազատարին ու շրջվել ջրանցքը
Սեպտեմբերի 24-ին՝ ժամը 00:35-ին, «911» ծառայությանն ահազանգ է ստացվել, որ Երևան քաղաքի Գուրգեն Մահարու փողոցի վերջնամասում ավտոմեքենան հարվածել է գազատար խողովակին և ընկել ձորը, առկա է գազի արտահոսք:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ «Mercedes E» մակնիշի ավտոմեքենան (վարորդը՝ Հ. Ի., ծնված 1994 թ.) դուրս է եկել ավտոճանապարհի երթևեկելի հատվածից, բախվել գազատարին և գլխիվայր շրջվել ջրանցքը: Գազատար խողավակը վնասվել է, ինչի հետևանքով առաջացել է արտահոսք:
Մինչ փրկարարների՝ կանչի վայր հասնելը, Հ. Ի.-ն հոսպիտալացվել է «Էրեբունի» ԲԿ, որտեղ ստանալով համապատասխան բուժօգնություն դուրս է գրվել:
Փրկարարները հոսանքազրկել են ավտոմեքենան, սահմանազատել տարածքը և իրականացրել հերթապահություն՝ մինչ ՃՈ աշխատակիցների դեպքի վայր հասնելը:
Գազի վթարային ծառայության աշխատակիցները դադարեցրել են գազի արտահոսքը:
