Վրաստանը, Մոլդովան և Ուկրաինան խորհրդարանական վեհաժողով են ստեղծում
Վրաստանի, Մոլդովայի եւ Ուկրաինայի օրենսդիր մարմինները պայմանավորվել են ստեղծել խորհրդարանական վեհաժողով, որի առաջին նստաշրջանը կկայանա հոկտեմբերի սկզբին Թբիլիիսում։
Վրաստանի խորհրդարանն արդեն հաստատել է համապատասխան որոշումը:
«Սա մեր համատեղ նախաձեռնությունն է, որի նպատակը եռակողմ համագործակցության էլ ավելի խորացումն է: Մենք ունենք արեւմտյան ինտեգրացման հետ կապված ընդհանուր նպատակներ»,- ասել է Վրաստանի խորհրդարանի նախագահ Իրակլի Կոբախիձեն:
Խորհրդարանական վեհաժողովի առաջին նստաշրջանում յուրաքանչյուր երկրից ներկայացված կլինեն 10-ական պատգամավոր, հաղորդել է Sputnik-ը:
