Հրդեհ «Երևան Սիթի» սուպերմարկետի մոտ. մեկնել են երկու մարտական հաշվարկ և մեկ ավտոսանդուղք
Սեպտեմբերի 16-ին՝ ժամը 19:01-ին, «911» ծառայությանն ահազանգ է ստացվել, որ Երևան քաղաքի Օհանովի փողոցում՝ «Երևան Սիթի» սուպերմարկետի մոտակայքում, բարձրահարկ շենքի տանիքից ծուխ է նկատվում:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ և մեկ ավտոսանդուղք:
Պարզվել է, որ «Երևան Սիթի» սուպերմարկետի սննդի կետի ծխատար խողովակներից դուրս եկող ծուխը և կրակը տարածվել են շենքի տանիքի հատված:
Հրդեհը մեկուսացվել է ժամը 19:44-ին, մարվել՝ 20:10-ին: Այրվել է տանիքածածկը (իզոգամ)՝ 2 քմ:
