«Ինչո՞ւ ես պետք է հեռանամ աշխարհի լավագույն ակումբից». Լուկա Մոդրիչ
«Ռեալի» կիսապաշտպան Լուկա Մոդրիչը հերքել է «Ինտեր» տեղափոխվելու ցանկության մասին լուրերը:
Իտալական մամուլը շարունակում է Լուկային ուղարկել «ներաձուրիների» մոտ՝ հայտարարելով, որ Մոդրիչը կփորձի իրականացնել տրանսֆերը ձմեռային տրանսֆերային պատուհանի ժամանակ: Իր հերթին՝ խորվաթն ինքը հերքում է տվյալ տեղեկությունը:
«Ես ընդհանրապես չեմ մտածում «Ռեալից» հեռանալու մասին: Ինչո՞ւ ես պետք է հեռանամ աշխարհի լավագույն ակումբից»,- Մոդրիչի խոսքերն է մեջբերում Sky Sports-ը: Ավելի վաղ Խորվաթիայի հավաքականում Մոդրիչի թիմակից Իվան Ռակիտիչը հայտնել էր, որ այս տարի Լուկան արժանի է «Ոսկե գնդակին»:
Պատրաստեց Անի Գաբուզյանը
