Նեյմարը խնդրել է «Բարսելոնայի» ներկայացուցիչներին օգնել իրեն վերադառնալ ակումբ
Ինչպես հաղորդում է Mundo Deportivo-ն, Բրազիլիայի հավաքականի և ՊՍԺ-ի հարձակվող Նեյմարը ցանկանում է վերադառնալ «Բարսելոնա»:
Նեյմարին դուր չի գալիս մրցակցել թիմի առաջատարի դերի համար հարձակվողներ Էդինսոն Կավանիի և Կիլիան Մբապեի հետ: Ըստ պարբերականի տեղեկության՝ 26-ամյա բրազիլացին կապվել է «Բարսելոնայի» ներկայացուցչի հետ, որպեսզի վերջինս օգնի իրեն վերադառնալ կատալոնական ակումբ: Ընդ որում, հարձակվողը չի բացառում իր տեղափոխությունը Մադրիդի «Ռեալ» 2019 թվականին:
Նշվում է, որ «Բարսելոնան» չի այրվում Նեյմարին վերադարձնելու ցանկությամբ: «Կապտանռնագույնների» ղեկավարությունը գտնում է, որ կարողացել է ուժեղացնել կազմը բրազիլացու հեռանալուց հետո և նրա ծառայությունների կարիքը չի զգում:
Նեյմարը ՊՍԺ տեղափոխվեց 2017 թվականին 222 մլն եվրոյով:
Պատրաստեց Անի Գաբուզյանը
