«Թուրքիան Սիրիայում ներկայությունը կպահպանի մինչև խաղաղության հաստատումը». Էրդողան
Թուրքիան մտադիր է Սիրիայի տարածքում իր ներկայությունը պահպանել այնքան ժամանակ, քանի դեռ այնտեղ չի հաստատվի խաղաղություն: Այդ մասին հայտարարել է Թուրքիայի նախագահ Թայիփ Էրդողանը՝ Թեհրանում ելույթ ունենալով ՌԴ-ի, Իրանի եւ Թուրքիայի ղեկավարների՝ սիրիական կարգավորմանը նվիրված հանդիպմանը:
«Թուրքիան կպահպանի իր ներկայությունը Սիրիայում, քանի դեռ խաղաղություն չի հաստատվել այնտեղ: Իդլիբը կարեւոր է ոչ միայն Սիրիայի ապագայի, այլեւ ամբողջ տարածաշրջանի խաղաղության, ինչպես նաեւ Թուրքիայի անվտանգության ու կայունության համար»,-ասել է նա, հաղորդել է ՏԱՍՍ-ը:
