Տան բակում գազի բալոնից տեղի է ունեցել արտահոսք
Սեպտեմբերի 7-ին, ժամը 11:37-ին «911» ծառայությանն ահազանգ է ստացվել, որ Երևան քաղաքի Որմնադիրների փողոցի տներից մեկի բակում այրվում է գազի բալոն:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ տան բակում գազի բալոնից (3 կգ-անոց) տեղի է ունեցել արտահոսք՝ հրդեհի բռնկմամբ:
Հրդեհը մարվել է քաղաքացիների ուժերով: Փրկարարներն իրականացրել են հերթապահություն՝ մինչ գազի բալոնի պարունակության պարպվելը:
