Սանտուշը չի հրավիրել Ռոնալդուին Պորտուգալիայի հավաքականի սեպտեմբերյան խաղերին
Պորտուգալիայի հավաքականի հարձակվող Կրիշտիանու Ռոնալդուն չի հրավիրվել Խորվաթիայի և Իտալիայի դեմ ազգային հավաքականի մոտակա խաղերին:
«Ես խոսել եմ Կրիշտիանուի հետ, ով հենց նոր է տեղափոխվել «Յուվենթուս», և որոշեցի, որ նրան ժամանակ է պետք նոր ակումբում ադապտացվելու համար: Նա մեզ հետ չի լինի սեպտեմբերյան խաղերին»,- նշել է պորտուգալացիների գլխավոր մարզիչ Ֆերնանդու Սանտուշը:
Խորվաթների դեմ ընկերական խաղը տեղի կունենա սեպտեմբերի 6-ին:
Իտալիայի դեմ խաղն Ազգերի Լիգայի շրջանակներում Պորտուգալիան կանցկացնի սեպտեմբերի 10-ին:
Պատրաստեց Անի Գաբուզյանը
