Մեքսիկայի ծովեզերքի մոտ հարյուրավոր խիստ հազվագյուտ ծովային կրիաներ են սատկել
Մեքսիկայի Օախակայի նահանգում ձկնորսները շուրջ 300 սատկած դեղնականաչ կրիաներ են գտել, որոնք խճճվել էին ձկնորսական ցանցերում: Մի քանի օր առաջ հարեւան Չյապասի նահանգի ափի մոտ եւս 102 սատկած առանձնյակ են հայտնաբերել, տեղեկացնում է BBC-ին:
Առայժմ պարզ չէ, թե հատկապես ինչպես են սատկել կենդանիները՝ խճճվելով ցանցերում, թե ցանցերում են հայտնվել արդեն սատկած: Պատահարի հանգամանքները պարզելը չափազանց կարեւոր է կենսաբանների համար. դեղնականաչ կրիաներն առանց այդ էլ գտնվում են անհետացման սպառնալիքի տակ: Դրանք Մեքսիկայի ափի երկայնքով ձու են դնում մայիսից սեպտեմբեր ընկած ժամանակահատվածում:
Հետաքննությունը հանձնարարված է նահանգի դատախազին: Նրան են միացել նաեւ Մեքսիկայի ռազմածովային ուժերը:
