ՍԴ-ն տնտեսված միջոցներով ձեռք կբերի 40 օդորակիչ
Կառավարությունը վերաբաշխում կատարեց ՀՀ 2018 թվականի պետական բյուջեում, ինչը հնարավորություն կտա Սահմանադրական դատարանին ձեռք բերել 40 օդորակիչ:
Ըստ նախագծի հիմնավորման, Սահմանադրական դատարանի վարչական շենքում հովացման համակարգ չլինելու պատճառով հնարավոր չէ անձնակազմի և տեխնիկայի համար ապահովել նորմալ աշխատանքային պայմաններ և անհրաժեշտություն է առաջացել ձեռք բերել օդորակիչներ:
ՀՀ ՍԴ վարչական շենքի տարածք ավտոմեքենաների մուտքը համակարգելու համար անհրաժեշտություն է առաջացել նաև ձեռք բերել մուտքի հսկողության համակարգ:
Նշված ձեռքբերումները կիրականացվեն 2018 թվականի ՀՀ սահմանադրական դատարանի պահպանում ծրագրի «Ներկայացուցչական ծախսեր» և «Արտասահմանյան գործուղումների գծով ծախսեր» հոդվածներով տնտեսված միջոցների հաշվին:
