«Կրակի հետ խաղի հետևանքներն անկանխատեսելի են». Զախարովա
Սիրիայի դեմ Արեւմուտքի հնարավոր ագրեսիայի հետեւանքներն անկանխատեսելի են, դա ծանրագույն հարված կհասցնի ոչ միայն կարգավորմանը, այլեւ գլոբալ անվտանգությանը: Օգոստոսի 30-ին կայացած ճեպազրույցում այս մասին հայտարարել է ՌԴ-ի արտաքին գործերի նախարարության պաշտոնական ներկայացուցիչ Մարիա Զախարովան։
«Մենք ամենալուրջ մտահոգություններն ունենք եւ դրանք կիսում ենք համաշխարհային հանրակցության, զանգվածային լրատվամիջոցների հետ նկարագրված սցենարի (Սիրիայում քիմիական զենքի հետ կապված սադրանքի եւ հանրապետությանն Արեւմուտքի հնարավոր հարվածի – ծանոթ. ՏԱՍՍ) իրագործման հեռանկարի առնչությամբ: Դա ծանրագույն հարված կլինի ոչ միայն Սիրիայի խնդրի կարգավորմանը, այլեւ գլոբալ անվտանգությանը: Կրակի հետ խաղի հետեւանքներն անկանխատեսելի են»,- նախազգուշացրել է դիվանագետը:
Նա նաեւ նշել է, որ Արեւմուտքը փորձում է Սիրիայում իրադարձությունների վեկտորը փոխել սեփական պլանների ուղղությամբ, նրան չի բավարարում կարգավորման ընթացքը:
