«Հուսով եմ` գերմանացի երկրպագուները չեն սուլի ինձ». Գյունդողան
Գերմանիայի հավաքականի կիսապաշտպան Իլկայ Գյունդողանը պատմել է, թե ինչպես է արձագանքելու երկրպագուների սուլոցներին:
27-ամյա կիսապաշտպանը նախկինում քննադատության է ենթարկվել Գերմանիայում` Թուրքիայի նախագահ Ռեջեփ Թայիբ Էրդողանի հետ հանդիպման համար:
Հունիսին Գերմանիայի ազգային հավաքականի երկրպագուները Լևերկուզենում՝ Սաուդյան Արաբիայի հետ ընկերական հանդիպման ժամանակ, սուլել են նրան:
«Հուսով եմ` գերմանացի երկրպագուները չեն սուլի ինձ: Բայց եթե դա տեղի ունենա, ես ստիպված կլինեմ ընդունել դա:
Դա ինձ համար փորձություն կլինի: Բայց ես խոստանում եմ, որ ամբողջ ուժը կներդնեմ դաշտում»,- ասել է Գյունդողանը:
Սիրարփի Աղաբաբյան
