Ջեյմի Վարդին և Գարի Կեհիլն ավարտեցին կարիերան Անգլիայի հավաքականում
Առյուծները կորցրին միանգամից երկու խաղացողի: «Լեսթերի» հարձակվող Ջեյմի Վարդին և «Չելսիի» պաշտպան Գարի Կեհիլը հայտնել են Անգլիայի հավաքականի գլխավոր մարզիչ Գարեթ Սաութգեյթին, որ ավարտել են ելույթներն ազգային թիմի կազմում:
Ֆուտբոլիստները պատրաստ են վերադառնալ թիմ, եթե դրանում լինի սուր անհրաժեշտություն: «Եթե վատագույն սցենարը պատահի, և բոլորը վնասվածք ստանան, ապա ես չեմ ասի «ոչ»»,- Վարդիին է մեջբերում BBC-ն:
Վարդին հավաքականի կազմում անցկացրել է 26 հանդիպում և դարձել է 7 գոլի հեղինակ:
Կեհիլի ակտիվում գրանցվել է 61 խաղ և 5 գոլ:
Պատրաստեց Անի Գաբուզյանը
