«Իմ գործընկերների արյունն ու կյանքն ինձ համար թանկ են». Վալերի Օսիպյանը՝ ՊՊԾ գունդը գրաված զինված խմբի գործի մասին
ՊՊԾ գնդի գրավման վերաբերյալ ՀՀ ոստիկանապետն իր գնահատականը կհնչեցնի, բայց դեռևս դատական գործ է ընթանում: Այս մասին նա ասաց օգոստոսի 25-ին լրագրողների հետ զրույցում:
«Կգա ժամանակը և ես կարտահայտվեմ, կհնչեցնեմ իմ գնահատականը, բայց այժմ դատական գործ է ընթանում, և դատաքննությամբ ամեն ինչ պարզ կլինի: ՀՀ-ում արդարադատություն իրականացնում է դատական համակարգը, և ես հույս ունեմ ու վստահ եմ, որ դատարանի կողմից ճիշտ որոշումներ կլինեն:
Ես պնդում եմ, որ իմ գործընկերների արյունն ու կյանքն ինձ համար թանկ են, և ես չեմ պատրաստվում որևէ կարծիքով փոխարինել այն»,- նշեց Օսիպյանը:
