Ռուսաստանը և Թուրքիան ցանկանում են խորացնել ռազմատեխնիկական համագործակցությունը
Մոսկվան եւ Անկարան մտադիր են խորացնել կոոպերացումը ռազմատեխնիկական համագործակցության ոլորտում: Այդ մասին հայտարարել է Ռուսաստանի արտաքին գործերի նախարար Սերգեյ Լավրովը՝ ամփոփելով Թուրքիայի իր պաշտոնակից Մեւլյութ Չավուշօղլիի հետ Մոսկվայում կայացած բանակցությունների արդյունքները:
«Մենք սերտ շփումներ ունենք պաշտպանական գերատեսչությունների գծով, ինչի մասին է վկայում նաեւ Թուրքիայի ազգային պաշտպանության նախարարի այսօրվա այցը, որն ընթանում է մեր բանակցություններին զուգահեռ»,- ասել է Լավրովը:
ՌԴ ԱԳ նախարարը նշել է «գործնական կոոպերացումը» խորացնելու պահանջվածությունը ռազմատեխնիկական համագործակցության ոլորտում, ինչպես նաեւ այլ բնագավառներում, ներառյալ ավտոմոբիլաշինությունը, գյուղատնտեսությունը, բանկային ոլորտը:
