Գերմանիան 150 մլն եվրո է հատկացրել Վրաստանին գազապահեստարանի կառուցման համար
Գերմանիայի վերակառուցման եւ զարգացման բանկը (KfW)150 մլն եվրո է հատկացրել Վրաստանին երկրում առաջին գազապահեստարանի կառուցման համար:
Այդ մասին օգոստոսի 24-ին հայտնել է Թբիլիսիում ԳԴՀ-ի դեսպանությունը: Նրա տեղեկատվության համաձայն՝ KfW-ը «150 մլն եվրո է հատկացրել Վրաստանին երկրում առաջին գազապահեստարանի կառուցման համար»:
Դիվանագիտական ներկայացուցչությունում նշել են, որ միջոցների հատկացման վերաբերյալ համաձայնագիրն ստորագրվել է օգոստոսի 24-ին ԳԴՀ-ի պատվիրակության եւ Վրաստանի ֆինանսների նախարար Իվանե Մաճավարիանիի մասնակցությամբ կայացած արարողության ժամանակ, հաղորդել է ՏԱՍՍ-ը:
