Ոստիկանության զորքերը մեկնում են մարտական հերթապահության. ճանապարհելու արարողությանը մասնակցեց Նիկոլ Փաշինյանը
Հայաստանի Հանրապետության վարչապետ Նիկոլ Փաշինյանը մասնակցեց զինված ուժերին միանալ պատրաստվող ոստիկանության զորքերի ծառայողներին ճանապարհելու հանդիսավոր արարողությանը:
ՀՀ վարչապետը «Ֆեյսբուք»-ի ուղիղ եթերի միջոցով հայտնեց, որ արդեն շնորհակալություն է հայտնել ոստիկանության ներքին զորքերի ծառայողներին, նրանց հարազատներին հայրենիքի սահմանները պաշտպանելու կարևոր առաքելությունը իրականացնելու պատրաստակամության համար:
«Ոստիկանության զորքերն այսօրվանից մեկնում են մարտական հերթապահության Հայաստանի պետական սահման, միանում են զինված ուժերին՝ պաշտպանելու Հայաստանի պետական սահմանները: Եվ այսօր մենք եկել ենք իրականացնելու մեր ոստիկանության զորքերի ծառայողներին ճանապարհելու հանդիսավոր արարողությունը: Ահա նրանք հենց հիմա մեկնում են մարտական հերթապահության»,- ասաց վարչապետը:
Ոստիկանության զորքերին ճանապարհելու հանդիսավոր արարողությանը մասնակցում էր նաև ՀՀ ոստիկանության պետ Վալերի Օսիպյանը:
Ոստիկանության զորքերն այսօրվանից հայ-ադրբեջանական սահմանին կիրականացնեն մարտական հերթապահություն, փոխարինելով ժամկետային զինծառայողներին: Մասնակցում էի ճանապարհման հանդիսավոր արարողությանը: Բարի եւ հաղթական ծառայություն:
Gepostet von Nikol Pashinyan / Նիկոլ Փաշինյան am Donnerstag, 23. August 2018
