ԱՄՆ-ում ցուցադրել են՝ ինչպես են F-15 կործանիչները միջուկային ռումբեր նետում
ԱՄՆ-ի Սանդիայի ազգային լաբորատորիաները հրապարակել են կադրեր, որտեղ պատկերված է B61 միջուկային ռումբի նետումը F-15 «Սթրայք Իգլ» կործանիչով:
Համապատասխան տեսահոլովակը զետեղված է կազմակերպության YouTube-ալիքում:
Տեսահոլովակում ցուցադրված է երկու դեպք, որոնցից առաջինում ամերիկյան ռազմական ինքնաթիռը մարտավարական միջուկային զենքը նետում է՝ գտնվելով մեծ բարձրության վրա, իսկ երկրորդում ՝270 մետրից փոքր-ինչ ավելի բարձրությամբ թռչելիս:
Անկման ժամանակ բացվում է ռումբի պարաշյուտը: Ճշտվում է, որ այն եղել է առանց միջուկային լիցքի: Նաեւ նշվում է, որ փորձարկումները տեղի են ունեցել անցյալ տարվա հուլիսի 11-ին Նեւադայի նահանգի Թոնոպա փորձարանում, հաղորդել է ՌԻԱ Նովոստին:
